عشان انت مصري.....!!!!!

عشان انت مصرى لازم تعاني

وتفقد كرامتك بكل المعانى

وتحرق فى دمك سنين مش ثوانى

واوعى تصدق كلام الاغانى

بتاع الحضاره وكانى ومانى

ده كله هجايص مايدخل ودانى

عشان انت مصرى العذاب بيناديك

بتبدا فى يومك حاجات بترازيك

فى نومك فى قومك تعكنن عليك

تضايقك ولسه العماص فى عينيك

مافيش ميه تشطف صابونه فى ايديك

وجسمك ملزق وريحتك عاديك

فتلبس وتنزل وفيك اللى فيك

ورايح لشغلك حتحتاج مواصله

ادى المترو واقف وكهربته فاصله

وفى الميكروباص خناقه وحاصله

اوتوبيس فرامله عايزالها وصله

وتوك توك ده تايه ومحتاج لبوصله

بتوصل لشغلك بدم اتحرق

فى زحمه وكتمه وحر وعرق

رئيسك سايبلك كومه ورق

ده غير دمغه ضايعه وملف اتسرق

وفى كام مواطن عامللك قلق

بيشكى تقول له روح اندعق

وعركه وهوجه وشاى اندلق

ومخك خلاص من الصداع اتفلق

هترجع لبيتك ده لو كان فى بيت

هتوصل هتندم ياريتك ماجيت

مراتك بتصرخ خلاص استويت

عيالك بتطلب وهات كيت وكيت

تزعق تهاتى ياناس اتهريت

ولاحد سامعك مهما هاتيت

عشان انت مصرى وده للاسف

فلازم تاسى تعيش تتقرف

وكل الاساسى فى حياتك ترف

فتنسى الكرامه وتنسى الشرف

وتسرق وتنصب او تنحرف

ودمعك بيجرى وجرحك نزف

مش انت اللى مصرى؟؟؟ جتك القرف

تحياتي لاحمد فؤاد نجم

انا معاه فكل اللي بيقولو بس ماعادا اخر كلمتين

انا شخصيا فخوره جدا بمصريتي رغم كل المهازل اللي بتحصل

تذكرني

تذكرني
يا حلم كان بقلبي قبل ان يكون

يا من اضئت لي طرقات الشك والظنون

عرفت بك معنى الحب والاشتياق ومعنى الجنون

لا اعرف بم سابكيك بنبضي ام بقطرات العيون

لن اعرف بعدك معنى للحياة

فبعد ان ضاع حب العمر من يدي لماذا اكون

تذكرني
ما احببت البعد عنك

وما كان البعد عنك اختياري

انما انا مجبر عليه

فكل يوم يقتلني حنيني واشتياقي

ولا املك ان اطفئه بك

ولا املك ان انزع من قلبي هواك

وكيف انزع منه اجمل ما به

وان فعلت فهل سينصاع لرغباتي

اخطات حين حاولت ان ابدل الحب بصداقة

وستكون هذه اخر اخطائي

فمن يروض حب مثل الذي بداخلي او يجبره ان يكون

تذكرني
سيظل دوما بداخلي شوقي وحنيني

تذكرني

وان تذكرت

فا أتيني

لتنهي عذابي وانيني

قبلني ثم اتركني

ولكن ظل حلما بداخلي

ولا تغادرني
تذكرني

DEATH

Did you ever stop for a while and asked yourself...

What is going to happen to me the first night in my grave?

What have I prepared for death?

Will I be in heaven or Hell fire?

How often do I remember death?

Think about the moment your body is being washed and prepared to enter your grave

Think about the day people will be carrying you to your grave..

and your families crying...

think about the moment you are put in your graveJust imagine...

imaging yourself in your grave...

down there in that dark hole... Alone... it's too dark... you cry for help, but there is no answer...

Nobody can help you... it's too narrow... your bones are squashed...

You regret all the bad things you've done during your life...

you regret missing the 5 prayers..

you regret listening to music..

You regret your disrespectful manners towards everyone, especially your parents...

you regret not wearing your hijab ..

You regret ignoring the orders of ALLAH...

You regret ignoring the knowledge of islam ..

You regret all the bad things you've done..

There is no escape.. you will face your punishment for every little thing you've done...

You are alone in your grave only with your deeds...

no money, no jewelries, nothing.. only your deedsand when it is shut,

You feel like screaming and telling everyone not to go..

to stay beside your grave But, you cant be heard..

they leave you and go and you hear their footsteps..

and hear them crying they walk away..

You thought you would last forever in this world,

you thought that you will stay with your friends and families forever...

you thought you will have fun forever... no, you were wrong!!

they left you alone... Just spend few minutes and look at your future homes...

and spend the whole of your life preparing for them...

You can not afford to ignore this,

you need to remember this every minute, every hour, every.. Every time ..

you are about to commit asin, remember the destroyer of pleasure: DEATH

Happy Eid

kol sana w ento taybien

Happy Ramdan

Choices

Why must one have so many choices?

I sit, sit, and sit listening to my own voices

I can't ever make up my mind

I always feel myself in a bind

At times I think I know what I want

Then I realize my life is not written in that font

I go to someone and ask for advice

It seems every time it comes with some sort of price

The people I ask are the people that care

The rest of them aren't even aware

Lately there's one choice that's constantly in my head

It seems so hard, like a hotel room bed

Some people think they understand

Where I am coming from its in my own hand

While all these choices are floating around

I'll just wait and think, maybe with my head in the ground

The choices are so great, the choices are so far

I figure now I'll live one day at a time, and live it up to par.

This Promise Is True

You showed me the way.

The way that no one else could.

When you whispers my name.

I know that I should.

You would tell me .

The hurt you are going through.

But even if you dont no matter .

I'll always be here for you!

That is the promise that i'm making to you.

Now and forever this promise is true !!!

تاجي الاول

مبدئيا...انا مش عارفه اكتب ايه ومش قادره كمان اعمل بوست .مش عارفه زهقانه ولا قرفانه .يعني في حاجه غريبه ماعليناااااااا

انا قررت اني ارد علي التاج اللي بعتتهولي مروه.وطبعا التاج ده هتلاقيه رقم اتنين في كل البلوجات.بس بما اني مختلفه دائما وفريده من نوعي ههههههههههههه ...ده هيبقي التاج الاول عندي......واليكم التالي.

من هو احب شخص الي قلبك في الدنيا؟

طبعااااااااااااااااااااااااااااا مااااااااامااااااااا حبيبتي وكمان بابا وطبعا شيمو اختي ربنا يخليهم ليا .وطبعا في ناس تانيه ملكش انت دعوه بيه

انسان مستعد تضحي بحياتك علشانه-وركز في كلمه حياتك عشانه؟

طبعا بما ان حياتي واحده وغاليه عندي .يبقي لازم افكر كويس اوي قبل ما اضحي بيها.وفعلالو اللي هضحي بحياتي علشانه يستاهل ولا لاء.والله لو كان عندي كتير انا كنت ضحيت لاي حد ووزعت علي كل اللي عايز بس المشكله انها واحده وبس .بس بجد فعلا ممكن اضحي بحياتي عشان اي حد بشرط يكون يستاهل وده طبعا علي حسب الموقف.وطبعا ومن غير تفكير اضحي بيها عشان خاطر ماما

اسم اول حب؟

تصدقي يامروه دا طلع عبيط بجد زي ماقلتي

وبعين انت مالك بأسم اول حب هتعمله بطاقه

اسم اخر حب حتي الان؟

ده بقي علي اساس ان احنا واخدانها هوايه ومش ورانا حاجه غير الحب...اول حب وتاني وحب وخامس حب والحب القبل الاخير واخر حب حتي الان..والبقيه تاتي...................ياعم روووح

ماهو اسم اجمل كتاب_كتبه بشر قرأته ومحتفظ بيه حتي الان؟

كتاب لاتحزن_دايما لما يكون الواحد زهقان بيبقي عايز حد يخرجه من مود الزهق ده.بجد الكتاب ده حلو جدا بيخليك دايما حاسس بتفاؤل.ومش بقراه كتير بس كل ما احس اني عايزه اقراه

اسم كتاب_كتبه بشر برضوا ومتعلق بيه وبتقراه كل فتره؟

بحترم فيك اختلاف وتنوع اسئلتك يعني بزمتك يفرق ايه السؤال ده عن اللي قبله...ولا هي فقاقه والسلام.وعلي العموم في كتاب تاني انا بحبه بس ممكن اكون قريته مره او اتنين بس بحبه واتعلمت منه كتير اوي,,,اسمه (امرأه بلا طريق)كتاب جامد جدا

شيء تحس بالراحه النفسيه عندما تنظر اليه؟

طبعا البحر والنيل بلليل بيبقي منظرهم تحفه.وكمان ساعه الغروب والشروق وانا عالبحر.وبرتاح اوي اوي لما اشوف ماما وهي بتضحكلي ضحكه من قلبها وبحس بالرضا وده ميمنعش ان احنا بنتخانق كتير جدا.

مكان تحس فيه بالحنين الي شيء لاتدري ماهو_وذكريات جارفه الي لاشيء؟

طبعا بيت تيتا مامه ماما في حدائق حلوان او بيت العيله وخاصه الجنينه او الفراندا زي ماحنا ما بتقول.بتفكرني بذكريات جميله اوي واحنا صغيرين انا وولاد خلاتي كانت ايام جميله انا اتمني انها تتعوض .هي طبعا موجوده دلوقتي بس باختلاف ان احنا كبرنا بس بردوا اكتر مكان بنحب نسهر فيه لغايه الصبح ونلعب كانت هي الفراندا وشجره البرقوق اللي هي دلوقتي مبقاش ليها اي اثر وكمان شجره الليمون اللي كانت دايما تخربشنا.بجد كانت ايام جميله

وكمان بيت تيتا مامه بابا بيفكرني بذكريات حلوه اوي بس للاسف مكنش في جنينه

مكان تحس بالراحه لما تدخله؟

اكيد مش التواليت.طبعا بيتي وخاصه الاوضه بتاعتي وطبعا الجامع

اجمل مدينه زرتها داخل مصر؟

والله مصر كلها حلوه ..يعني مثلا انا بحب سحر مرسي مطروح.وهدوء شرم الشيخ.وجمال الغردقه.وشقاوه اسكندريه ودفا الاقصر واسوان.كلها بجد حلوه (ام الدنيا بقي)امال اي

اجمل مكان طبيعي زرته في مصر؟

في اسكندريه في كده منطقه اسمها كليوباترا بعد كوبري ستانلي .هي عباره عن شويه صخور كده في البحر بتقعد عليها بليل وتنسي الدنيا.وكمان مش نسي عجيبه اللي في مرسي مطروح منطقه خياليه فعلا عجيبه هناك تحس ان انت بتحلم..وكمان في شرم في جبل كده اسمه شمندوره في وسط المدينه والجبل هما نحتين فيه وعاملين في قعدات عربي فوق تبقي قاعد كده قوق وشايف البحر من فوق بجد تحفه

اهم جهاز منزلي انت متعلق بيه او باستخدامه داخل منزلك؟

طبعااااااااااا التليفون وبلا شك الكمبيوتر

سرعه بروسيسور جهازك؟

والله انت بتدقق في تفاهات.والله ماعرف هي كام .لان البروسيسور اتحرق واحنا جبنا غيره عقبال عندك.فا انا مش عارفه كام سرعته

حجم ذاكره هارد جهازك؟

160 GB

ما المساحه التي تشغلها المواد الاسلاميه علي جهازك؟

في الغالب هي 13 جيجا واتمني تزيد ان شاء الله

نفس المساحه السالف ذكرها في قلبك_الاجابه لنفسك عشان الرياء يا اخوانا؟

والله دي حاجه بيني وبين ربنا ومظنش انها هتفيدك في حاجه..وبعدين ماتتدخلش بين علاقه العبد بربه ...........ياحشري

اهم هدف انتي واضعاه لحياتك دلوقتي؟

ربنا يكرمني طبعا في كل حاجه انا بعملها وكمان اتجوز واجيب بيبيهات كده واربيهم تربيه كويسه

مواصفات فتاه او فتي احلام البنات بالنسبه لك؟

سؤاال غبي جداااااااااااااااااااااااااااااااااااااااااااااا.وكل ماحد يسئلهوني ارد عليه واقوله سؤال غبي وطبعا مش هحرمك منها وهقولك سؤال غبي من واحد اغبي .

طبعا هبقي عايزاه في كل حاجه كويسه سؤاء بحبها او مش بحبها.وبعدين افرض انا حبيت حد في بعض المواصفات اللي انا مش بحبها؟هقوله معلش اتكل علي الله عشان انت غير مناسب للمقاييس اللي انا حطاها لفتي احلامي.طبعا لا ...الحب هو ان تعشق فيه السمات التي تثير غضبك قبل سماته الجميله...ماهي مرايا الحب عاميه ولا انت ايه رايك؟

صف ما ياتي_شعورك لما تسمع كلمه مصر؟

طبعا ببقي فخوره جدا اني مصريه.وفخوره اكتر ان انا عايشه فيها رغم كل ظروفها.وكمان ناسها الطيبين جدااااااااااااااااااا وزي ما بتقول نانسي(كل مصري الله عليه)مش بقولك ام الدنيا

شعورك لما بتسمع كلام عن اليهود؟

ببقي مش طايقه نفسي.لاني مش هقدر اوصفلك مدي الكره اللي انا بكرهه ليهم.لاني وبساطه اتعرضت لموقف بجد يخلي الواحد حزين جدا.مره كنت رايحه شرم الشيخ وفي الطريق عدينا علي طابا ونزلنا عشان نستريح في الاوتيل بتاع سونستا طابا.وفوجئنا ان ممنوع ان احنا ندخل عشان جوه في فوج اسرائيلي(يهودي)واحنا مينفعش ندخل منعا للاحتكاك بيهم .وطبعا احنا صممنا ونشفنا دماغنا لغايه مادخلنا.وبعدها بيوم كنت في منطقه اسمها عسله في دهب بردوا في شرم فؤجئت ان عسله دي كل سكانها يهود وعندهم فيها اراضي ومحلات وبازارات.وشوف انت بقي ايه شعورك لما تكون بتشتري حاجه جوه بلدك وتدفع فلوسها لليهود.وهناك كمان الحياه عندهم عادي جدا يعني انا افتكر ان دهب دي فيها المخدرات عادي جدا تشربها وتشتريها ولا بقي في حكومه تفتش ولا بوكسات تلم زي مابيحصل هنا مثلا في القاهره.يعني البلد بلدهم وقال ايه خدنا سينا..صباح الخير ياسينا

شعورك لما بتشوف ظابط شرطه؟

معرفش بس بحس ان انا مش بحبهم.لاني علطول بفتكر الواسطه والوسايط.وده طبعا مش علي كل الظباط بس اغلبهم .يعني انا في ايام الجامعه اي مشكله بتقابلني كنت لازم اروح لظابط الحرس لاني كنت عارفاه وكان بيخلصلي مشكلتي وانا واقفه وده طبعا عشان هو بيبقي عارفني.في نفس الوقت اللي بلاقي فيه طلاب زي بالظبط ومش عارفين حتي يتكلموا معاه او يطلبوا منه الهوا.يعني هما مابيتعملوش غير بالوسايط وبس

شعورك لما بتشوف الكناس العجوز في الشارع؟

اجابتي مش هتختلف خالص عن اجابه اي حد اللي هي طبعا هتعلم منه الرضا واقول الحمد لله .وفعلا ما باليد حيله

لون البطانيه اللي بتتغطي بيها في الشتاء؟

تصدق بالله؟ انا طول عمري اقول عليك ان انت فقيق اوي وعالعموم انا هجاوبك

لون البطانيه اللي انا بتغطي بيها في الشتاء احمر في اصفر

اما البطانيه اللي بتغطي بيها في الصيف مختلفه خالص لونها احمر في اصفر

يعني بزمتك هو في حد بيتغطي ببطانيه في الصيف.عشان تسألني عن البطانيه اللي بتغطي بيها في الشتاء .ايه الدقه اللي انت فيها دي

لون الجوارب_الشراب اللمضل اليك؟

يعني افرض ان انا مش بلبس شراب اصلا_وبعدين انت مالك

احساسك ايه اذا داست قدمك في الطريق علي مخلفات او اخراج حيوان_ولامؤاخذه؟

طبيعي جدا اني هبقي قرفانه اوي.بس عادي هكمل بقي مشي؟لاني لو وقفت في الشارع عشان رجلي داست في حاجات زي كده يبقي مش هنخلص و انا مش همشي ولا هتحرك من مكاني اصلا...ولا انت ايه رايك

افكارك ايه تجاه شاب ماشي في الطريق لابس جلابيه بيضاء وقصيره وعمامه وله لحيه وفي جيبه سواك وفي ايده مصحف؟

الدين في القلب مش بالمظهر.وبعدين طالما هو ماشي في حاله ومش بيئذي حد خلاص عادي انت مالك بيه هو كان داسلك علي طرف ما يلبس اللي هو عايزه

ده ميمنعش اني احيانا بخاف منهم

احساس بيراودك في اشاره مرور مغلقه بسبب مسئول كبير؟

دي بقي تلاكيك ملهاش لازمه.يعني مثلا الاشاره بتاعت ميدان الرمايه دي واقفه كل يوم اربعه وعشرين ساعه بردوا ساعتها بيبقي في مسئول..

وكمان اشاره شارع المنيل وميدان الباشا .ولا عند مدخل المعادي.ولا مطالع الدائري ولا الكارثه الكبري شارع الهرم.يعني عايزين تفهموني ان كل الاشارات دي بيبقي واقف فيها مسئولين؟وبعدين اما هي كده كده واقفه بلاش بقي تماحيك وتقول مسئول.ده احتمال المسئول نفسه ينزل ياخدها كعابي عشان الزحمه..

واخيرا بمرر التاج لاحمد فهيم .وامل المنزلاوي

مغامراتنا في اسكندريه

فجأه وبدون سابق انظارحدث مايلي...في الاربعاء الموافق 25_7

بابا:يله هتسافروا اسكندريه انهارده اجهزوا

احنا:ياسلام انت تؤمر ياباشا ده عز الطلب

وكان هناك في مجموعه سافرت قبلنا وكانوا المفروض انهم مستنيينا

المهم وصلنا اسكندريه الساعه 12 بليل.والمفروض ان احنا كنا هنقعد في شقه المندره بس جدت ظروف ومنفعش المهم روحنا هنقعد في شقه (خالتو)في ميامي.ايه يعني في الدور السابع والاسانسير عطلان عادي.ايه يعني الجو حر موووت ولا تكييف ولا غيره عادي يعني هو الجو في مصر اللي عدل اوي.ايه يعني بقي الشقه زحمه موووت ولازم تحجز مكان تنام فيه يا اما هتتسوح وايه يعني لما تقف علي الحمام بالطابور عادي اهه بردوا تغيير

فيها ايه لما البواب يقفل باب العماره الساعه 12 بليل واي حد ييجي بعد كده يدخل بالمفتاح.علي العلم ان احنا معناش غير نسختين وبس ده الي جانب ان حماده (ابن خالتو)خد نسخه منهم معاه مصر وهو نازل في اول يومين يعني احنا كملنا الاسبوع بمفتاح واحد يعني لو جيت متاخر اقعد دور علي حد يفتحلك او يسئل فيك.عادي عادي ده مصيف والله

(علي فكره انا بحب شقه اسكندريه دي موت ومقدرش اروح اسكندريه من غير ما اقعد فيها يومين تلاته عالاقل انا بس بفضفض)

ماعلينا...اول يوم...عدي عادي بما اننا كنا تعبانين من السفر وتعبانين اكتر من السلم

تاني يوم بقي....عمو محمد(جوز خالتو)بيصحينا عشان نروح البلاج المهم صحينا ونزلناوروحنا البلاج اللي قدام البيت علطول وكان معانا خالو محسن ولعبنا كره في الميه اينعم بابا ضحك علي خالوا وادالوا فريق المكسحين بس عادي لعبنا وانبسطنا واليوم خلص

بليل بقي حمودي(ابن خالتو)ايه رائيكوا ياشباب نروح المعموره...والله فكره وروحنا المعموره

هناك بقي مينفعش تمشي خطوه من غير ماتدفع رسم دخول معرفش ليه ولا كانك في ديزني لاند.داخل بالعربيه ....ادفع.داخل علي رجلك ...ادفع.عند البوابه الرئيسيه...ادفع.بوابه الملاهي...ادفع.هتركب لعبه بردوا...هتدفع.مش عاجبك...روح.المهم ان احنا ننبسط

كلنا طبعا رايحيين عشان نركب المنخل.انا بصراحه عمري ماركبته لاني بخاف منه جدا.المهم غاده(بنت خالو)اقنعتني اني اركب وقالتلي اني هنبسط اوي بصراحه مكنتش عارفه اني هنبسط اوي كده وخاصه ظهري انبسط جدا هو وكتفي..يعني انبسطوا لغايه ما ازرقوا وورموا ههههههههه تغييييييييييييييييير ده احنا في مصيف

واللي حصل بقي...ايه يعني اما اسماء وياسمين يمسحوا ارض المنخل.وفيها ايه لما تكون دينا قاعده في المكان اللي قصادي من الناحيه التانيه وفجأه وبقوه الدفع الاقيها ماسكه في البنطلون وبتقولي الحقيني ..عادي

وايه يعني لما مروه تقع كل شويه علي العلم ان حمودي ماسكها بس غالبا هي غاويه بهدله.وفيها ايه كمان لما شوشو (اختي) تتدحرج من علي الكرسي علي الرغم من ان حمودي ماسكها بردوا ولا غاده اللي اقنعتني اني اركب متشفهاش وهي مترنحه علي الارض .وفيها ايه بقي لما حماده يحب يعمل منقذ ماهو شايف بنات خالتو اتبهدلو فعايز يساعد..وياريتو ماساعد مفيش حد في المنخل متخبطش فيه واخير لقي نفسه علي حجر هبه عادي جداااااااااااا

والحمد لله نزلنا واحنا مضحضحين.وبعدين ركبنا لعبه تانيه كده مش فاكره اسمها ايه.المهم قلتلهم ياجماعه هي اللعبه دي بتدوخ.قالولي لا دي بس بتخلي الواحد يحس ان في حد بيزغزغوا.قلت وماله اركب.وركبت

وياريتني ماركبت.مش عارفه انا ايه اللي خلاني اتزغزغ في نافوخي واركبها.لقيت نفسي في اول طالعه اغمي عليا وبما اني كنت راكبه جنب حمودي .فهو متعود عليا ان انا بدوخ بسرعه فعادي سبني ومسئلش فيا وعمال هو يضحك لغايه مانزلنا.فيها ايه اما تطلع اللعبه سليم وتنزل مغمي عليك.عادي تغيير دانت في مصيف يا اخي.ونزلنا واستريحنا شويه وروحنا تاني نركب المنخل قبل مانمشي وطبعا خدنا علقه حلوه زي اللي خدناها اول مره من الخبط عادي .ابتسم انت في المعموره.المهم خلاص روحنا وطبعا متنسااااااااااااش السلم دول سبع ادوار ياجماعه الي جانب بقي الزرقان والخضران اللي فينا من المنخل فيها ايه احنا في مصيف وعايزين نحس بتغيير

وعدي بقي باقي الاسبوع عادي.بس كده كان في شويه حركات ارعه

مثلا مني(بنت خالتو) كانت مقضياها نوم معرفش ليه.الصبح نصحيها نقولها يالا عشان ننزل البلاج تقول لا مش هينفع انا هقعد الصبح عشان اعرف اخرج معاكوا بليل نقولها اوك.نيجي بليل يالا يامني هنخرج تقولنا لا انا تعبانه مش هقدر انزل معاكوا عشان اعرف انزل معاكوا الصبح البلاج.معرفش في ايه اكيد كانت بتنزل وهي نايمه.

اما بقي ياسمين ومروه كانوا تخصص تحضير الفطار وساعات تخصص خناق

اما شوشو الوحيده اللي كانت مقضايا بالطول والعرض فعلا جايه تغير جو تخرج مع صحابها عالبلاج الصبح وتنزل معاهم بليل الحياه حلوه اوي عندها

اما بقي ديناااااااااااااااااااااااا.الفوتوجرافر الجامده مووووووت صاحبه احلي صور واحلي كادرات واحلي زكريات وعلي فكره هي اللي مصوره الصور اللي انا منزلاها في البوست ده والصوره ديه دينا صورتها واحنا عند الجزيره اول مره قبل ماتكبر في دماغنا ودخلها عوم.ده طبعا بقي غير باقي الصور التانيه والفديوهات الجامده .

اما بقي اودي وبعذء(ولاد خالتو)كانوا ياما يتخانقوا مين اللي ينزل .يجيب الطلبات من تحت وده طبعا عشان السلم.او يطلعوا يصفروا من البلكونه للبت عليا عشان تطلع(واحده كان بيحاولوا يظبطوها بس ولا سئلت فيهم).عادي يعني

انا بقي كنت مع الطايفه نازلين انزل طالعين اطلع مفيش اي مشكله ده الي جانب البلكونه كنت مأجراها منهم بليل وبالنهار

وده طبعا بما انها هي المكان الوحيد اللي الواحد ممكن لما يجيلوا مكالمه يطلع فيها حيث الهدوء ههههههههههههههههه ولا ايه يا دينا؟...وطبعا مني حبيبتي كنا لازم كل يوم الصبح من الساعه خمسه للساعه سبعه او تمانيه قاعدين في البلكونه وبنضحك علي حاجه كده هي عارفاها هتبقي تقولكوا عليها

طبعا بما ان البلكونه مشغوله اربعه وعشرين ساعه ولا اكنها سنترال .بردوا اللي هيعمل مكالمه يبقي بالحجز

وفي يوم نزلنا البلاج وقعدنا شويه ولقينا نفسنا زهقانين.دينا عرضت علينا ان احنا نقوم نتمشي شويه.المهم خرجنا بره البلاج واتمشينا شويه في خالد ابن الوليد وكمان روحنا بير مسعود وبعدين واحنا ماشيين لقينا واحد عرض علينا نركب لانش في البحر وقال انه هيلففنا شويه في البحر ويودينا عند الجزيره قلنا اوك وركبنا وبجد منظر الميه جوه كان تحفه وبعذء واودي نزلوا عند الجزيره وقالوا ان الميه تجنن والعوم هنا تحفه.المهم خلاص خرجنا واتفقنا اننا هانيجي البلاج ده بكره ومعانا الناس الكبار(اهلنا يعني)والراجل يدخلنا عند الجزيره ونتفق معاه يرجع ياخدنا في اي وقت علي اساس ان الجزيره فيها ناس كتير جوه عاملين كده والجو جوه طبعا احسن

وخلاص روحنا وارتحنا وخرجنا بليل.مروه ..ايه رائيكوا ياجماعه تركبوا خيل .طب وماله نركب وركبوا وانبسطوا جدا وكمان البناطيل انبسطت جدا بعد ما اتقطعت من المسامير اللي في ظهر الحصان(الحمد لله انا مركبتش)..احسن

جه بقي يوم الخميس وروحنا البلاج وانتوا عارفين ان احنا كان لينا مزاج نروح الجزيره اوي واليوم ده كان البحر هادي ومفيش موج وكنا كمان شباب بس معناش حد كبير غير بابا وماما كانوا قاعدين في كافي شوب قدام البلاج يعني كمان محدش هيحس بينا يعني هندخل هندخل مفيش تفاهم

وفعلا جبنا عوامه عشان اللي يتعب فينا يريح عليها والمهم بابا اكد علي اودي محدش يروح الجزيره وطبعا لاحياه لمن تنادي.قلنا هندخل كلنا علي العلم ان مروه مبتعرفش تعوم اوي او مبتعرفش اصلا.فيها ايه يعني لما تحس انها تعبانه تقوم متشعلقه علي اي حد فينا واقف جنبهاومغطساه تحت عادي.وفيها ايه كمان لما ندخل كاملين ونخرج ناقصين واحد ولا اتنين ولا حتي تلاته اهه برده تجديد محنا كل مره ندخل ونخرج كاملين مجتش بقي علي المره ديه.وعشان كده قررنا مناخدش مروه معانا جوه وخليها بره مع رنا عشان كمان رنا مش هتعرف تدخل ومحدش هيعرف ياخد باله من حد وكفايه عليه مسؤليه نفسه.وعلي العلم انهم مكنوش عايزين يخدوني عشان كان عندي برد جامد.

المهم ابتدينا الرحله للجزيره وطبعا انا كنت اخر واحد بما اني كان عندي برد جامد مووت وانفلونزا وكحه ومناخيري مسدوده من الناحيتين بس اودي كان قريب مني عشان ياخد باله مني.وخلاص كلهم وصللوا للجزيره وطلعو وانا كان خلاص فاضلي حوالي تلاته او اربعه متر عليها وقلتلهم خلاص انا مش قادره اتحرك خطوه واحده تاني وكمان محمد كان تعب وعايز يطلع فطبعا دينا حبيبتي ساعدتني عشان اطلع الجزيره.وبجد كنا مبسوطين جدا من الجو جوه والهدوء ومنظر البحر وطبعا احنا جوه مهيصين ومش عارفين ايه اللي بيحصل بره.انا بقي هقلكوا ايه اللي كان بيحصل بره

بابا دخل البلاج عشان يطمن علينا(الراجل كان قلبه حاسس)شاف مروه ورنا قاعدين لوحدهم سئلهم مروه ام نص لسان قالتلوا ان احنا دخلنا الجزيره وطبعا بما انها كانت مفروسه مننا عشان مخدنهاش معانا فقالت لبابا شايف الحاجات الصغيره اللي جوه عالجزيره دي ياعمو هما دول.رغم اني قلتلهم لو دخلتوا عمو هيزعق بس هما ماسمعوش الكلام طبعا بابا اتنرفز مووت لان الهانم كانت بتسخنوا علينا.

المهم بابا قال للراجل بتاع البدال في ناس جوه عالجزيره ادخل هاتهم فورا فا الراجل قاله بس دول كتير اوي قاله هات البنات بس وسيب الشباب.المهم دخل الراجل وطبعا وقف بعيد عن الجزيره بحوالي 10 متر او اكتر عشان لو قرب اكتر من كده هيخبط في الصخر المهم نادي علينا وقلنا في واحد بره اسمه محمد(بابا)بعتني عشان اجيبكوا وبيقولكوا اخرجوا حالا.طبعا احنا اترعبنا وقلنا بابا هيعلقنا لما نخرج.المهم نزلنا من الجزيره عشان نوصل للمكان اللي واقف فيه البدال ونخرج بس كل مانعوم نحس ان البدال بيبعد فعومنا حته كبيره اوي عقبال مانوصله(انا مش عارفه بابا كان باعته يعزبنا ولا بعته ياخدنا)ومش عايزه بقي اقولكوا علي مناظرنا واحنا بنطلع البدال بما ان مفيش ارض تحت تنط عليها عشان تمسك فيه بصراحه كان شكلنا تحفه وخاصه انا وياسمين

المهم خرجنا ولقينا بابا عاملنا احتفاليه ده الي جانب التكشيره .وطبعا خارجين كاننا عاملين عامله .المهم بابا قلنا تعالوا بقي انا عايزكوا.ليه يابابا.تعالوا بس

طلعنا قعدنا عالشمسيه قلنا لا ده انا محضرلكوا حتته مكان تعااااااااااااالو

راح كده وقف في حته ورا خالص بعد الشماسي وقلنا اتفضلوا اقعدوا

بابا:قعدوا هنا بقي في الشمس

دينا:ياعمو الجو حر اوي

بابا:منا عارف بردوا مش هتقوموا

انا:يابابا الرمله سخنه موووت

بابا:احسن عشان تتعلموا الادب

اسماء :خلاص ياعمو اخر مره

بابا:طبعا اخر مره وهو حد فيكوا هيعملها تاني

انا:بابا انت عارف انا اكتر واحده مش بحب الشمس

بابا:منا عارف ياحبيبتي عشان كده جبتك هنا مخصوص

بابا:الساعه دلوقتي اربعه الا تلت هتقوموا من مكانكوا الساعه 5

مروه:خليها الساعه 6 ياعمو(ماهي مش خسرانه حاجه ماهي مش متعاقبه معانا وقاعده تحت الشمسيه)ماشي يامروه

بابا:لا كفايه 5 يامروه احنا مش بنعذب كفار

اودي:طيب ياعمو اروح الحمام

بابا:لا اعمل مكانك

بعذء:خلاص ياعمو انا ماليش ذنب انا قلتلهم بلاش

بابا:اللي هيتكلم فيكوا هيترحل علي مصر

ياسمين :ياعمو في اشعه فوق بنفسجيه وممكن نموت

بابا:انا عايزكوا تموتوا.تموتو هنا احسن ماتموتو غرقانين جوا

ياسمين:ياعمو متخافش احنا كنا مئمنين نفسنا وقرينا الفاتحه واتشاهدنا قبل ماندخل

بابا:يافرحتي.والله؟ طب عشان كده بقي انا مش هقومكوا

بابا:وانتي يازفته انتي مش عندك برد وكحه ايه اللي دخلك جوا

انا:لا يابابا منا خفيت

المهم عدت كده تلت ساعه وبابا قلنا يالا قوموا عفونا عنكوا

وطبعا البلاج كله بيتفرج علينا

وجه بليل ولقيت ماما بتصحيني من النوم يلا عشان هننزل مصر ليه ياماما ايه اللي حصل محنا كنا قاعدين

ومين اللي قال ننزل مصر.ده بابا

روحت لبابا ليه هنسافر يابابا قالي عشان عملتكوا السودا بتاعت انهارده ان خلاص اصدرت قرار الرجوع

وفجأه وبدون سابق انظار قررنا الرحيل

وانا طبعا في انتظار قرار العوده تاني.شد حيلك يابابا

احلام ورديه

سؤال حلو اوي
طبعا كلنا واحنا صغيرين حلمنا كتير اوي.اللي يحلم بأنه عايز يطلع مهندس او ظابط مثلا
واللي تحلم انها عايزه تطلع دكتوره او مدرسه
وطبعا يالهول الصدمه والصاعقه لما يكتشفو ان احلامهم دي طلعت علي فاشوش
وكل واحد بيكتشف ان دي كانت احلام ورديه بعد مايلاقي نفسه ماشي في اتجاه غير اللي كان عايزه خالص
وطبعا مابيتححقش من الاحلام دي غير نسبه بسيطه جدا وتكاد تكون منعدمه وده طبعا لو ربنا كرمه عشان يحقق حتي ربعها
انا بقي وانا طفله
كان اي حد يسالني انتي عايزه تطلعي ايه
اقولهم اي حاجه مش عارفه اي حاجه وخلاص
يعني بيني وبينكوا رحمت نفسي من الصدمات والكلام العبيط ده
وده طبعا بما اني كنت طفله معجزه وماليش زي
مكنتش عايزه اعمل زي اللي كان بيحلم بالتفاح وصحي لقي نفسه ماسك خيار
اللهم لا شماته

بطاقه تعارف

اسمك ايه؟

اكيد مش حنفي ...اسمي فوق موجود عالبلوج يسد عين الشمس

سنك كام؟

22 سنه عقبال عندك

ايه لونك المفضل؟

الاحمر .رغم انه احيانا بينرفزني.ومتسئلنيش ازاي.وكمان الاصفر والبينك

برجك وتاريخ ميلادك؟

برج الحمل......14-4

ايه هو برجك المفضل؟

الثور

ايه هي عيوبك؟

كتيييييييييييييييييييييييييييييير .كسلانه جدا وبطيئه اوي ولما اتعصب ببقي غبيه .وبغرق في شبر ميه .وكفايه عليك كده

ايه هي مميزاتك؟

مش هقولك كتير.بس محدش بيعرف يقول مميزات نفسه ..بس كلهم بيقولولي ان انا طيبه وحنينه جدا

اكتر حاجه بتحبيها فيكي؟

بحب نفسي اوي وانا بضحك من قلبي وبهزر

اكتر حاجه بتكرهيها فيكي؟

مش بعرف ازعل من حد .يعني لو حد عمل فيا حاجه ضايقتني مش باخد منه موقف او ازعل بفوتلو وخلاص.وده طبعا بيبقي علي حساب اعصابي

اكتر حاجه بتكرهيها عامه؟

الخروج في الحر والشمس مهما كانت الظروف

اكتر حاجه بتحبيها؟

بحب اوي اكون نايمه والدنيا ضلمه خالص ويكون الجو حلو مش حر طبعا واشغل الاف ام...ممكن انام 3 ايام متواصله

عاده سيئه نفسك تبطليها ومش عارفه؟

النوم الكتير والبطيء

عاده نفسك تكتسبيها؟

السرعه.نفسي انجز حاجتي بسرعه

اكلتك المفضله؟

طبعاااااااااااااا البطاطس المحمره بلا منافس والمكرونه ويكون جنبهم اي نوع لحوم .لحمه .فراخ.كبده.بنيه...وده طبعا بما اني مش بحب الخضار اطلاقا وبكل انواعه.وعشان كده تلاقيني مش بحتاج اعمل رجيم خالص ومش بعاني من اكل البطاطس ههههههههههه

اكتر مشروب مفضل ليكي؟

الموز باللبن.الفراوله باللبن.عصير الرمان.والنسكافيه.واخيراااااااااااااااا البيبسي وما ادراك ما البيبسي

عدد اسرتك كام؟

اربعه.ربنا يخليهم ليا

اكتر مكان بتحبي تروحيه؟

اي مكان يكون في بحر وتكون الدنيا ليل...بجد احساس روعه

وطبعا بيت تيتا مامه ماما بما انه بيبقي هدوء جدا ومفهوش زحمه خااااااالص...اللهم لا حسد

اكتر مكان بتكرهي تروحيه؟

اي مكان احس ان انا بروحه غصب عني مثلا المدرسه او الجامعه وطبعا مش بكرهم بس كنت بحس انهم مقيدين حريتي

اكتر مكان بتكوني مرتاحه فيه؟

طبعا بيتي وخاصه الاوضه بتاعتي وخاصه بقي السرير ...ياسلااااااام

اكتر مكان بتحبيه في مصر؟

طبعا مطرووووووووح وحبيبتي اسكندريه

بتعرفي تطبخي؟

.انا الاول كان كبيري اعمل شاي لكن في ظروف جدت خليتني ابقي ست بيت شاطره اوي وخاصه في المطبخ

ايه هي الظروف دي؟اتخطبتي مثلا؟

وانت مالك ماتبقاش حشري

اكتر اكله بتعرفي تعمليها؟

الملوخيه والرز.وطبعاااااااااا المكرونه والبطاطس المحمره.وكل اللحوم وكل النواشف.

اكتر حاجه مبتعرفيش تعمليها في البيت؟

والله انا اعمل اي حاجه .بس اجي عند موضوع فك الستاير ده وبخاف بما اني كل مره اطلع علي السلم عشان افكهم لازم اقع معرفش ليه...نصاحه بقي تقول ايه

انتي مرتبطه؟

مالكش فيه.وبعدين مش شغلك

طب بقالكم كام سنه عارفين بعض؟

قلتلك مالكش فيه.يعني انت هتستفاد ايه مرتبطه ولا لاء.بترسم عليه مثلا وعينك مني.ولا عندك عريس

كان في حب اول؟

اكيد طبعا مفيش حد معندوش حب اول

الحب الاول هو الحب الحقيقي موافقه ولا لاء؟

لا طبعا لان اي حب الواحد بيتعرضله سواء اول او تاني بيكون حاسس انه هو الحب الحقيقي حتي لو القصه دي مكملتش .وفي الاخر الحب الحقيقي هو اللي هيستمر لغايه الجواز ان شاء الله

بتحبي مين اكتر ماما ولا بابا؟

طبعا الاتنين ربنا يخليهم ليا .بس طبعا ماما حبيبه قلبي بس عصبيه اوي بس كل مانتخانق لازم نتصالح بسرعه... وبابا حبيبي قلبي بردوا وبحبه علشان علطول بضحك عليه وباخد منه فلوس بالعبط.

مين اقرب حد ليكي؟

كل الناس قريبين ليا.صحابي وطبعا اهلي وقرايبي.ولكن اقرب حد ليا حبيبه قلبي اختي شيمو الصغيره حبيبه قلبي هي مش صغيره اوي بس الفرق بنا سنه واحده .اه هي عصبيه شويه بس حبيبتي

مواصفات فارس احلامك؟

سؤال غبي جدا.لان طبيعي هقول كل حاجه حلوه .ومش هقولك عايزاه صايع مثلا

انتي فتاه مثاليه؟

لا طبعاااااااااااااااااااا.بس اتمني
اكتر حد بتحبيه في قرايبك؟

بص ياسيدي انا بحب دينا تؤام روحي طبعا.كمان بحب هبه .وبحب غاده .كمان بحب اسماء ....انت فاضي ولا وراك حاجه....كمان بحب مروه وبمووت في ياسمين وبحب مني وطبعا هند وتصدق كمان بحب ريم وبحب سوزي..ها زهقت...طب كفايه كده انهارده

حد متستغنيش عنه؟

ماما وبابا وشيمو وكمان.......................ومتسئلنيش علي مين النقط دي لاني هحرجك زي كل مره واقولك انت مالك

اكتر حد بتحبيه في صحابك؟

ايمي ورانيا وخالد

يوم تتمني انه ميتكررش؟

يوم الحادثه بتاعت ماما وبابا

يوم تتمني انه يتكرر تاني؟

هو يوم انا نفسي يتكرر بس مش بنفس المواصفات .هو يوم فرح هند بنت خالتي كان يوم حلو اوي ويارب يتكرر تاني وعقبال كل بنات العيله وعقبالي طبعا

عايزه تتجوزي؟

لا ناويه اعنس...اكيد مفيش بنت مش عايزه تتجوز

يوم كنت حاسه انك لوحدك؟

يوم الحادثه بتاعت بابا وماما.رغم ان الناس كلها كانت معايا والعيله كلها كانت جنبي .بس كنت محتاجه اوي حد منهم سواب بابا اوماما يبقي واقف جنبي

بستعملي الموبايل من كام سنه؟

من وانا في تانيه ثانوي

مين كان جايبهولك؟

بابا

كان بكام ونوعه ايه؟

ليه هتدفعلي حقه...وكان 3410 نوكيا

اكتر حاجه بتستغلي فيها وقت فراغك؟

النووووووووووم

اهلاويه ولا زملكاويه؟

طبعا اااااااااااااااااا اهلاويه.عفوا الاهلي اهلي.وبعدين احب الفت نظر سيادتك لحاجه ان السؤال ده بقي موضه قديمه دلوقتي بقي

اسمه انت اهلاوي ولا مالكش في الكوره...ال زمالك ال .معلش يا ماما حقك عليا

بتشجعي مين في الكوره بره مصر؟

بموووووووووووووت في ايطاليا والبرتغال

مطربك العربي المفضل؟

طبعا وبلا منازع شيرين.وكمان بحب عمرو وتامر ومنير
اغنيتك المفضله؟

مش عايزه غيرك انت

مطربك الاجنبي المفضل؟

طبعا جورج ماايكل...فظيع

افضل نوع عربيه؟

والله مفيش حاجه معينه بس غالبا النيسان

انتي بتكدبي؟

ههههههههههههه.لو سئلتك انت بتكدب وقلتلي لا هقولك انت كداب.مفيش حد مبيكدبش

ندمانه علي حاجه معينه؟
اه طبعا.واشد الندم

طب هي ايه؟

منا قلتلك خليك في حالك ومتبقاش حشري.ندمانه وخلاص
ايه امنياتك؟

طبعا في المقام الاول بابا وماما ربنا يديهم الصحه ويرضوا عليا اكتر.حبيبتي شوشو ربنا يكرمها.وطبعا اي حد بحبه ومش بحبه ربنا يكرمه.

اعتذار؟

اي حد زعل مني او ضايقته او قصرت معاه بقصد او بدون قصد

رساله شكر؟

لبابا وماما واي حد ساعدني عشان ابقي كويسه

رساله عتاب؟

عفي الله عما سلف

طولت عليكي؟

اه اوي

زهقتي مني؟

اوي اوي اوي

تتمني نتقابل تاني؟

ارجوك بلاش

انفلونزا .....الحب

اكيد مش هتكلم عن فيروس جديد او احدي نزلات البرد الخطيره والمعروفه وانما عن مرض غريب جداااااا...

انتشر مؤخرا بين عدد كبير من الشباب والفتيات وهو (الحب بالعدوي

اعراض المرض بأختصار شديد

غيره شديده تجاه اي قصه حب حقيقيه يخوضها احد اصدقائك*

ارتفاع مفاجيء في درجه حراره الحب*

ميول عاطفيه تجاه الجنس الاخر*

رغبه قويه في اقامه علاقه جديده بأي شكل*

وغالبا ماتتسم هذه العاطفه بالاسف وهو الطابع الرسمي الذي قد يؤدي في النهايه الي ما هو اشبه بالأنتكاسه واثار جانبيه اخري اشد خطوره مثل الانفصال او الطلاق المبكر (اللهم احفظنا).

..... والسؤال الان هل هو حب حقيقي فعلا؟ام انه مجرد حاله مرضيه تأخذ وقتها وسرعان ماتنتهي؟

معظمنا يميل للاجابه بأنه مجرد مرض وشويه نفسنه ليس اكثر.والبعض الاخر (وانا منهم).يذهب الي انه حب حقيقي كان طرفاه منتظران من يشجعهما فقط علي خوض تلك التجربه الاجمل في الحياه.

بعيدا عن الخوف الذي كان يصيبهم دائما قبل التفكير في الاقدام علي تلك الخطوه وذلك بسبب حالات الغش والخيانه التي تغلف معظم قصص الحب الان .

فقط لاتجعل عيد الحب هو ليله الحب الوحيده في السنه وقول بحبك في كل ثانيه وفي كل لحظه لانه لايوجد اجمل من ان تعيش الحياه للحب

انا في انتظار ردودكم..هل انفلونزا الحب ..حب ام مرض؟

الي من احببه قلبي

احساسي بيك خلاني اعيش اجمل ليالي

واحس ان العمر غالي

ومهما كان عمري مايغلاش عليك

احساسي بيك خد قلبي ليك

ياحبيبي لو مش حبيبي هقول لمين ياحبيبي

من يوم لقاك وانا نفسي اقولك الف حاجه

ونفسي اكون ليك كل حاجه

واكون معاك واعيش حقيقه حبك ليا

عملت ايه في عيد الحب

عيد الحب.ياتري عملت ايه؟
طبعا هيبقي سؤال سخيف جده لو انت مش مرتبط وطبعا اجابتك هتبقي ايه السؤال السخيف ده.
اما لو كنت مرتبط طبعا هتتنهد وتحط ايدك علي قلبك وتقول اااااااه.وتبدا تحكي اليوم من اول رساله الموبايل الرومانسيه جدا ثم التحضير للهديه واللي غالبا هتبقي دبدوب احمر كبير محطوط في قفص (روتين يخنق) ثم الخروج مع حبيبك في عشاء رومانسي علي ضوء الشموع.
ورأيي الحقيقه لو كنت مرتبط او مش مرتبط سواء خرجت او قعدت في البيت تتفرج عالتليفزيون انت لازم تستمتع باليوم ده وفيه بتكون الشوارع كلها حمرا من اول الورود لحد الكروت يعني الدنيا بتبقي احمر في احمر ووردي اوي
كلنا نفسنا نعيش اليوم ده (بيني وبينكم انا بتشائم من عيد الحب بس متقلوش لحد)في الواقع ان اي حد فينا نفسه يحتفل بعيد الحب مع حبيبه ولو انت وحيد هتلاقي نفسك بدور علي نصك التاني
وبما اني بتكلم عن عيد الحب لازم نتكلم شويه في الحب
والبدايه بسؤال طرحته علي نفسي وهو يعني ايه حب؟ومن غير بحث عن اجابات محدده فالأجابه تختلف احيانا وتتشابه احيان اخري وتتناقض في كثير من الاحيان .عشان كده قررت اني اضع مفهوم خاص بي عن الحب
وهو ان الحب يختلف باختلاف الشخص المحب.يعني ممكن واحد يشوف الحب يعني يلاقي طرف اخر يبادله نفس الشعور والأهتمامات
واخر يري الحب انه يقابل شخص يفهمه دون الحاجه الي الكلام...والي اخره من معاني وتعريفات عن الحب
اما بالنسبه لي الحب هو العثور علي شخص لاتستطيع ان تتخيل حياتك بدونه.معه تشعر بالامان.تعشق سماته التي تثير غضبك قبل سماته الجميله.هو بأختصار شخص يرسم الأبتسامه علي وجهك بشكل مستمر ولاتعرف سر السعاده التي تشعر بها في وجوده.هو شخص يمنحك الاسره التي طالما حلمت بيها.بأختصار شخص يختصر كل الحياه فهو الاخ والاب والابن .شخص يستحق ان يحمل لقب حبيبك ومعه تندم علي كل لحظه لم تعشها معه
والي ان تعثر علي هذا الشريك .عليك ان تنتظر وتترقب فقد تعثر عليه بأسرع مما تتخيل.لاتبحث عنه سوف يأتي لك دون ان تتوقع قدومه فقط كل ماعليك عمله هو ان تستعد فالكثيرون يعتقدون ان لديهم القدره علي الحب ولكن في بعض الاحيان يحب الانسان نفسه اكثر من اي شيء ولا يجد في قلبه مساحه لحب الاخرين....

ممكن تعمل لصاحبك......بلوك

البعض بيقول انها حاجه عاديه ومش لازم نكبر الموضوع والمسائل ونقول في ازمه صداقه بين شباب وفتيات هذا الجيل ..والبعض الاخر يؤكد انها مشكله من العيار التقيل ممكن تطور للاخر ..لان الحكايه في البدايه بتكون مجرد بلوك علي الايميل وبعدها ممكن ميردش علي رقم تليفونك وبعدها ممكن بردوا يقول لأخته لو فلان كلمني ياريت تقولي له اني مش موجود وبعدها انت في طريق وانا في طريق ياحبي......حد فاهم حاجه....عموما انت عمرك فكرت تعمل بلوك لاحد من صحابك علي الايميل ؟ولو فكرت ياتري كان ايه السبب وقتها؟وهل البلوك علي الايميل يعتبر احدي المؤشرات السلبيه لعلاقتك بصحابك؟ام انه مجرد اجراء روتيني تتخذه بحثا عن الهدوء والتركيز بعيد عن وجع الدماغ والوش والتشتت الذهني اللي ممكن يحصلك بسبب الكلام مع اكتر من حد في وقت واحد؟فكر شويه وبعدين قول رايك....وانا طبعا بما اني بوشين فعندي مليون رأي في الموضوع ده أولا.....احيانا بحتقر نفسي لما بعمل الحركه دي لاني بحس اني معنديش الشجاعه وجبانه وبتكسف اقول لحد اني مشغوله ومينفعش اتكلم معاه في الوقت .لكن ساعات بيكون البلوك افضل حل للتركيز....ثانيا.....او الوش التاني.....ساعات مش بستخدم البلوك الا بسيط اوي ومع شخصيات مينفعش معاها غير كده.لانهم ساعات مبيحترموش اني مشغوله او اني بتكلم مع حد تاني في موضوع مهم .وناس تاني بقي تاخدهم الجلاله علي النت وهاتك يانكت بايخه واستظراف مالوش لازمه.ثالثا...او الوش التالت وده طبعا هو الصح.سيبكو بقي من الكلام اللي بيقول باعمل بلوك لما اكون مشغول او لما احب اركز في الكلام مع واحد او اتنين يالكتير لان وسوري في اللفظ يعني (البنات الاوكش) بيكونوا هما السبب طبعا اللي بيخلوا الشباب يعملو بلوك علي صحابهم.عاملين بمبدا احمد السقا في فيلم همام في امستردام(الراجل بمليون ست ولو جت الست طز في الراجل). وطبعا انا مش بعمل بأي واحد منهم..لاني بفضل اني انفض لاي حد من غير معمل بلوك عشان محدش يزعل مني...وطبعا المشكله بتخلي قرايبي وصحابي مخنوقين مني جدا

Strong feelings

All we can stop a lot of things that might confront us in life ............ Example. We could stop talking for a certain period .. We can also stop thinking about something specific to certain moments .. we can stop something dreams .... But what we didn't have anyone to stop in it ??.... is love, yearnings and feelings ... even if that person is mistaken in some of these feelings ....... If no one can't control the feelings that he had... it will led him to collapse .... and heading him through the dark way that had no end .and not sun shining in it.Finally feelings ... the only thing that might not controlled by anyone .....

My None Stop World

None Stop Talking

None Stop Thinking

None Stop Feeling

None Stop dreaming

None Stop Loving

None Stop Living

Welcom To My None Stop World