سؤال حلو اوي
طبعا كلنا واحنا صغيرين حلمنا كتير اوي.اللي يحلم بأنه عايز يطلع مهندس او ظابط مثلا
واللي تحلم انها عايزه تطلع دكتوره او مدرسه
وطبعا يالهول الصدمه والصاعقه لما يكتشفو ان احلامهم دي طلعت علي فاشوش
وكل واحد بيكتشف ان دي كانت احلام ورديه بعد مايلاقي نفسه ماشي في اتجاه غير اللي كان عايزه خالص
وطبعا مابيتححقش من الاحلام دي غير نسبه بسيطه جدا وتكاد تكون منعدمه وده طبعا لو ربنا كرمه عشان يحقق حتي ربعها
انا بقي وانا طفله
كان اي حد يسالني انتي عايزه تطلعي ايه
اقولهم اي حاجه مش عارفه اي حاجه وخلاص
يعني بيني وبينكوا رحمت نفسي من الصدمات والكلام العبيط ده
وده طبعا بما اني كنت طفله معجزه وماليش زي
مكنتش عايزه اعمل زي اللي كان بيحلم بالتفاح وصحي لقي نفسه ماسك خيار
اللهم لا شماته
3 comments:
hi ya nana
طول عمرك فقر.ماتسيبي الناس في حالها واللي يحلم يحلم.ولا يعني لازم تقطمي الناس وتنكدي عليهم وتفكريهم بفشلهم..هو انتي فاكراهم احنا هيسكتولك ههههههههههه
بس حلو البوست اوي
ezeik ya nana
جميل اوي البوست.بس مش معني كده ان الواحد هيبقي فاشل لو محققش احلامه كلها اوحتي نصها ومينفعش يبقي فاشل لمجرد انه غير مسار حياته
بس المهم انه يعمل حاجه مقتنع بيها وشايف انها هتفيده
بس كده
hhhhhhhhhhhh
ento el etneen magannen
Post a Comment