سلم نفسك.....البروفيل كله محاصر
وانت بتعمل جروب علي facebook فكرت في لحظه انك ممكن تكون محاصر في كل فكره تطرحها .او اي رأي بتقوله؟
اعتقد ان قبل اضراب 6 ابريل اجابتك كانت هتبقي مختلفه؟ قولي هتعمل ايه
facebook هل تقاطع
هتقفل الجروب او البروفايل؟
هتكتب بيانات غير بياناتك؟
في ناس بتقول ان في ناس تانيه بتعمل ده كنوع من انواع الشهره.
وناس تانيه بتعمل ده عايزه تعمل انقلاب وخلاص.
وناس تاني بتعمل ده وهي مش فاهمه اي حاجه.
وناس تاني بتعمل ده وبتيجي معاها كده بالصدفه.
وناس تاني بتعمل ده كنوع من انواع البلبله وتقولك ايه الكلام الفاضي ده اللي الحكومه بتشغلنا بيه؟
وناس تاني بتعمل ده وهي فاهمه هي بتعمل ايه وعايزه ايه
وناس وناس وناس .................
ليه يا جماعه نتكلم في حاجه مش عارفين هتودينا لغايه فين.او نتكلم في حاجه نعرف انها ممكن تودينا في داهيه او تجيبلنا مشاكل؟
انت عندك حريه تتكلم في اي موضوع تحبه بس بطريقه تضمن انها مش هتجبلك مشاكل .وكمان مش شرط نجرح في حد بعينه علي اساس ان هو ده اللي جايبنا لورا.
انا مش بقصد ان احنا نسيب المواضيع المحترمه او الموضيع التقيله ونتكلم في الموضه والحب والفن والمشاهير وعمرو دياب وهيفاء.
بس اعرف حدود الحريه التي تمنحها لنفسك عند استخدام الانترنت .يعني ممكن تنقد مين ولحد فين وايه رأيك في فرض الرقابه؟
انا شايفه ان اخليني في السليم .وابعد عن عمل او اشتراك في اي جروب قد يسبب لي المشاكل واكون حذره في اي راي اقوله.
11 comments:
momekn a2ol 7aga?
..... 7adretek :D
eih ya dina
tab ma ana btklm fe keda. enty leih ma2oltesh elly enty 3ayza t2oleih 3altol mn 3'air space , 7'aifa 3shan maz3alesh?
tab fean 7oret el ta3beer
ana ba2a 2asdy 3ala keda .enty 3ndek ra2y w ra3'm keda ma2oltesh.
y3ney law fe 7oret ta3bber kan 7alna hayb2a a7san kteer
ana mesh mo3arda wallahi.ana ma3 el nas de . bas mesh ma3 el bahdala elly homa etbahdloha .bas keda , fehmty 2asdy
بالعكس يا حنان
مش معني أن في حد عايز يسلب مني حريتي اني اقوم سايلبها ليه وأوقل عشان ميحصليش حاجة ..بالعكس أنا حر وبدافع عن حريتي دي مهما حصل وأول حاجة اني مسكتش ليهم ..
ولو فرضنا جدلاً ان اضارب 6 ابريل معملش حاجة ودا مش صحيح فيكفي أنه خطوة ومحاولة أن كل صاحب راي واحنا كا اصحاب البلد الفعلين نفضل موجودين
يعني الموضوع مش شعارات او كلام في الهواولا فتحة صدر ..
أنما هي بتبقى روية وأسلوب للحياة أما نعيش ونبقي عايشين حتى لو الحياة دي هتعملنا مشاكل ..
او نعيش واحنا ميتين في جلدنا ومستغنين عن حقوقنا ونعيش في سلامة من غير اي كرامة ..
وعلي فكرة الصورة دي نوع من انواع السخرية من الأمن يعني بيطلوا ليهم لسانهم وبيقلوللهم ميهمناش ..
يا محمد المشكله في ان حد يسلبك حريتك.يافندم هما كده كده خدوها . انت بقي شطارتك في ان انت تعرف ترجعها تاني.بس بشكل يخليك لسه محترم .يعني هتتبهدل وهيبقي الوضع علي ماهو عليه.انا مش بعارض اي حد يعمل اي حاجه . بس يعملها بطريقه متجبلوش ضرر.
وزي ماقولت لدينا لو في حريه تعبير المشكله كانت هتبقي اسهل او تكاد تكون معدومه
أنتي مش واخدة بالك أن كل اللي بيحصل دا عشان أكسب أحترامي لنفسي ..
مين ممكن يحترم نفسه لما يكون مذلول منزوع الحرية والكرامة ؟؟؟
ما انكرش ان الحرية الى حد ما مسلوبة فى بدلنا بس ده ما يمنعش حرية الراى نهائى احنا بس اللى بنحاول نمنعها عن نفسينا و كله بحجه (عايز اربى عيالى ) انما حرية الراى موجوده و ناس كتير بتتكلم بس طبعا الغالبية فى صمت علشان كده حاسيين بالاهانه
و على فكرة بخصوص يوم الاضراب ناس كتير فاكرة ان اليوم ده ما نجحش بالعكس الهدف من اليوم ده اتحقق بالكامل مش معنى ان مافيش مظاهرات حصلت هنا يبقى الشعب خاف و التجربة فشلت لا طبعا احنا بس كنا عايزين نوصلهم ان احنا اتفقنا على راى و نفذنا فعلا و هو ده اكبر خطر ممكن نسببهلهم ان الشعب يتفق على حاجة واحدة و زى ما اتفقنا على اضراب انهارده و نفذناه ممكن بكرة نتفق على اى حاجة تانية و هو ده كان الهدف ان نوصلهم ان احنا خلاص بدانا نتفق فى الراى ..و يا رب نفضل كده على طول
الحريه ايه معناها اننا نسيب كل واحد فى حاله
لا ابدا
انا من مع اللى ياخد حقى واسكت
Mohamed & dr zuma
ياجماعه والله انتوا فاهمني غلط .دي مجرد سخريه مش نصيحه
Romancy
thanks ya ahmed 3ala your comment.
عجبني اسلوبك اوي يا حنان و عجبني الموضوع و عجبني ردك على التعليقات اوي و كمان واضح انك اتغيرتي كتير اوي من كام سنه مكنتيش بتتكلمي في اي حاجه من دي خالص عاجبني انك بقت عندك الاهتمامات دي و عاجبني فيكي اوي انك لسه بتقري الجرايد يا ريت يا حنان مترديش على اي حاجه من تعليقي ده الا اللي انا هقوله دلوقتي.........اخبارك ايه عامله ايه ايه الجديد اللي عندك و ايه الجديد عند اللي حواليكي و الناس اللي بتحبيهم و مش عايزك تردي و تقولي انا الحمد لله كويسه انا عايز احداث الحلو و الوحش. و بجد شكرا على انك رجعتي تاني تكتبي مستني ردك .سلام يا حنان
اولا : انا طبعا عرفت انت مين بس ياريت مايكونش احساسي خاني برغم من اني متأكده وعارفه انت مين كويس.
ثانيا:انا الحمد لله كويسه وبخير وموضوع اني اتغيرت كتير .فلازم اكون اتغيرت لان مفيش حاجه بتفضل علي حالها بس اتمني اكون اتغيرت للاحسن ان شاء الله.
ثالثا: انا اسفه علي تأخير التعليق عشان انا بدخل علي فترات بعيده شوية
رابعا واخيرا: انا شايفه ان البلوج مش هو المكان اللي بيخلي الناس لسه متواصله مع اصحابهم او اي حد مهما كان هو مين او عمل ايه.
طبعا فهمتني كويس اوي!!!!! اتمني ذلك
Post a Comment